「草裙舞」勿乱跳！求升职加薪前必了解的5件事(2)

有些打工仔见同事跳草裙舞成功，心思思想跳埋一份，搏老细加人工，殊不知老细非旦无如渠所愿，更直接收下辞职信无挽留！跳草裙舞也要审时度势，一定要做第一位提出加薪，千万不能做第二，否则只会令老细觉得你有样学样，分明玩嘢。
无Plan B勿乱跳草裙舞！

跳草裙舞前，一定要有Plan B，即系要offer喺手先稳阵！有offer，代表你有价有市，牙力也较大，即使谈判失败，大不了接受offer，一样有升职加薪的机会！假如你无offer，贸贸然话要辞职，而辞职原因只是人工低，能争取到的待遇绝不及offer来得好。
跳草裙舞失败又如何？

如果无Plan B，结果失败，请你有志气一点，立即辞职！因为你以辞职威胁老细，老细唔加你人工或唔升你职，就系睇死你无好路数，认为以你的能力，出面未必揾到好一点的工作。可能呢个系事实，但你都唔好衰俾老细睇，留低只会令老细更看轻你的能力，与其被嘲笑不自量力，不如拿出骨气，往外闯吧！